الجمهرة لحامد زيد

اثر المصايب ماتجيك الا من الناس القراب

وبها الزمن حتى الخوي الي تثق فيه احذره

لابارك الله في رفيقن تزعله كلمة عتاب

ولاجمع الله الرجال اللي تفرقهم مره

عودت نفسي كل ماشددت لليمه ركاب

مااصد وجهي عن طريق الا اذا جبت اخبره

الصاحب اللي مايجي من صحبته غير العذاب

نذرن علي ان ماهجرني ولا انا اللي بهجره

من يفتح لفرقاي باب افك له عشرين باب

واذا خويي مايقدر خوتي ماقدره

ان روحوا فانا بريء منهم ليوم الحساب

وان جرحوا قولوا لهم ماحركوا فيني شعره

شفهم لهم حول السنه ولاخذوا مني جواب

احسن دوا للي يستفزك تحقره

انا جمعت اوراقهم بكتاب واغلقت الكتاب

ياوقت لم اللي تلمه وانثر اللي تنثره

ماكنت احاتيهم وانا صغير عاد احاتيهم شباب

ان ماذخرني صاحبي لليوم الاسود ماذخره

عقب اكتئاب البارحه معاد انا بحمل اكتئاب

الطيب جرجرني وانا ماني بناقص جرجره

ماصرت ذيب الالان اللي حواليني ذياب

ماكنت اغيب ا لا لان العفو عند المقدره

ترى حلاتك لاحملت لصاحبك كلمة عتاب

ان مانطقت بها بوجه ماتذمه بظهره

وفي هالزمن مايملي عين الحسود الا التراب

ولا الحضيض الطلقه اللي ماتصيبه تذعره

ودك ليامن جاتك الغلطه من الناس القراب

الصاحب اللي ماكسبت مودته ماتخسره

king of knights كتب:

من يفتح لفرقاي باب افك له عشرين باب

واذا خويي مايقدر خوتي ماقدره

ان روحوا فانا بريء منهم ليوم الحساب

وان جرحوا قولوا لهم ماحركوا فيني شعره

مشكوووورة عالمرور